LeT-i Bal Thackeray tepsetnüa liasü: Headley

Mumbai, March 24 (Agencies): Tanü Mumbai nung aliba court ka dang Pakistan-American kiralongrar David Headley-i, LeT teloki Shiv Sena tongti, Bal Thackeray tepsetnüa liasü saka asür Bal tepsettsü atema mapa lemzüka alisangji apu, ta ashi.
26/11 Mumbai amakba ken o dak sentakba nung US nungi video link ajanga arishi küm 55 Headley-i, pai Sena Bhavan anaben semdangogo, ta ashi.
“Onoki (LeT) Shiv Sena tongti tepsetnüa liasü. Pa tenüng Bal Thackeray liasü. LeT-i maongka angubashia pa tepsetnüa liasü. Bal Thackeray ji Shiv Sena tongti ta ni meteta liasü. Ni osang tejangjabo memetet, ajisüaka LeT-i Bal Thackeray tepsettsü khenbo merangogo,” ta pai ashi.
“Ibaji koma merangdang’ar ni memetet. Iba nisungbaji (Thackeray tepsettsü yoksang) apu, ajisüaka pai police ket nungi jena otet,” ta paisa ashi.