Letv company-i 6GB RAM aketba smartphone ka memunui sayatsü

New Delhi, October 13, 2015: China nung entertainment company aser online video company rongnung tulutiba, Letv-i 6GB RAM aser ‘curved display’ keta aliba smartphone tasen ka memunui sayatsü, ta Mongulbar nü sangdong ka ajanga metetdaktsüogo.

Kasa sangdong ajanga, “Letv-i kobi melii ‘next generation’ smartphone ka sayatsü aser iba phone tasenba ajanga sen jenjang kasa tarensen nung anguba tanga phone tem ajateta akümtsü,” ta ashiba IANS-i metetdaktsü.

Iba phone nung ‘curved screen’ den ‘360-degree rotating camera’, Qualcomm processor, 6GB RAM aser telung nung 32GB memory enokja alitsü.

Iba phone ya kidang aliba electonics oset TV, air-conditioner aser refrigerator tem atema remote control ama amshitettsü.

IANS dang ashiba sangdong ajangasa ashiba agi, ‘Digital India’ sentong den sentaktepa, iba company yagi electric gari yangluba tesem ka amenoktsü sentong yangludar. Digital India sentong ajanga India sorkari 2020 tashi nung electric gari million pongu nungi tenet tashi lenmang nung jajadaktsütsü tebilemba lir.

Ibaji dang masü saka company-i ano smartphone, tablet aser TV aika yanglutsü sentong lir.