Lewis Hamilton-i Belgian Grand Prix kokogo

London, August 24 (Agencies): Taoba mapang world champion 2 ben tashi akümsang, Lewis Hamilton-i külem Mercedes telok gari anishir, Nico Rosberg den tekaraba mapang nung alizüng tonga Belgian Grand Prix (GP) Formula One (F1) takok marok yashi Deobar nü agizükogo.

Arishi küm 30 tain Hamilton-i yashi takok anguba sülen points 28 tashi ngua world championships tetoktepba nung maneni temaba jenjang abener kümogo.

Taküm 2015 küm tenzüker tanü tashi nung takok marok 6 tashi agizüksang, Hamilton-i yashi 10 buba pole position nungi tenzükba sülen Germany nunger Rosberg den minute 2.058 seconds agi tekaraba mapang nung alizüng tonga mezüngbuba jenjang angu.

Britain nunger Hamilton-i tanü tashi nung points 227 ngua lir aser Rosberg-i points 199 ngua lir.

Tena sülen anidaka, Germany nunger Sebastian Vettel-i tasembuba jenjang ngua liasü.

Gari toktepa anishitsü tenzüker tanü tashi nung takok marok 39 tashi agizüksang, Hamilton-i tan agi Belgian GP takok marok 2 buba agizüker lir.