Lewis Hamilton-i Italian Grand Prix nung takok nguogo

Monza, September 06 (Agencies): Italian Grand Prix nung Lewis Hamliton-i takok nguogo.
Mercedes team nungisa pa den tetokteper anasatiba Nico Rosberg-a kasa Grand Prix nung tatem tsütsü anaben alungtsü lia gari raksaba ajanga tasembuba jenjang ang nguteta liasü.
Tan Grand Prix nung Hamilton-i aniba gari tsüng nung lateta yutsüba dang nungi mopung tajemba enoker shilem agiba ajanga Mercedes nung inyakertem jadena asüngdangya süa liasü.
Mercedes chief Toto Wolff-i, “Gari kar nung lateta yutsüba ama mopung shitak maliba ajanga inyakertem jadenba osang angashiogo,” ta ashi.
Iba Grand Prix tetenzükdang yongi Hamilton tamaser apusoba tatem danga pa tamaser atong.
Deobar nü pa iba takok anguba ajanga pa sülen alisang den points 53 agi ittepa kümogo.
Iba takok ya pa asoshi Autodromo Nazionale toktepba nung tanabuba, tan mongpu asoshi tenetbuba aser pa Grand Priz nung shilem agitsü tenzüker 40buba lir.
“Tatem tsütsü laps ishikabo kanga jangratemtsübo masü asü,” ta team radio ajanga Hamliton-i pa indang engineer dang ashi.