LFHSS Kohima nung Disaster Management sentong agi

Kaketshirtem, organizers aser LFHSS staff tem tangokba noksa nung angur.

Kohima, Mongputeni/October 30 (TYO): 12th Bn National Disaster Response Force (NDRF) kübok District Response Team (DRT) aser Nehru Yuva Kendra Sangathan (NYKS) Kohima-i October 28, 2019 nü Little Flower Higher Secondary School, Kohima nung “disaster management’ indang Demonstration School Awareness program ka ayongzüka agiogo; kaketshirtem nem educational facilities peria agütsütsü aser rongdak lendong mapang nung kümzüka alitsü atema tesayuba agütsütsü nükjidong nung iba sentong ayongzüka agi, ta tanü ketdangsertem osang ka ajanga metetdaktsü.
NYK Volunteers sangdong ajanga ashiba agi, national disaster response & training nung firefighting techniques, CPR, Bandaging, Water safety, Building Collapse, Earthquakes, Bone Fracture methods indang agi.
Training course mapang nung kaketshirtem dang lendong mapang nung kümzüka alitsü tasa balala sayu.
Iba sentong nung class 8-12 kaketshir 196 den School Disaster Management Club aser Little Flower Higher Secondary School, Kohima nungi tesayur 13 dena liasü.