LFHSS nem tetushi agütsür: DDCF

Dimapur, December 13 (TYO): Tawa Bengaluru nung Livingstone Foundation Higher Secondary School (LFHSS) Dimapur-i All India School Merit Award 2017 nung 13buba jenjang ngutetba atema Dimapur District Citizens Forum-i school ketdangsertem aser kaketshirtem dang pelar aser tetushi tulu agütsür, ta tanü DDCF Tir, Joseph Lemtur aser tongti tezülur, Ahidur Rahman nati sangdong ka ajanga metetdaktsü.
“Iba akhümket sempet ya meranga inyakba aser nendaka inyakba ajanga angu. Iba sempet ya ajanga school nem konang nüngsang bener arutsüba dang masü saka Dimapur senso ajak nüma tangdaktsüogo,” ta sangdong nungsa shia lir.
Iba sempet ajanga state nem tetushi bener arutsüba atema DDCF-i LFHSS Principal cum Chairman, Andrew Ahoto aser par team nem tetushi agütsür, ta kasa sangdong ajangasa metetdaktsü.