LG Electronics Pay Mobile Payment amenokogo

June 3, 2017 (Agencies): Samsung company, South Korean bank asem den Artificial Intelligence (AI)-based services atema longjemtsü asoshi merangba mapang ka nung LG Electronics Inc-i “Samsung Pay” den tokteptsü asoshi Linük nung hokolbarnü parnok indang ‘mobile payment tool’ ka anemokogo.
LG Electronics compang ajanga ashiba agi, “LG Pay” ya ‘Wireless Magnetic Communication technology’ ka lir aser iba ajanga iba app amshirtemi parnok smartphone nung ‘credit card devices’ ajanga shishilembatettsü, ta osang ka ajanga metetdaktsü.
“Samsung Pay” nunga Magnetic Secure Transmission technology ajanga kasa feature agütsür.
“LG Pay” nung mezüngbo credit card brand tongti; Shinhan, KB, BC aser Lotte indang credit card tem amshitettsü saka September ita tatem tashi nungbo tanemi tanemi credit card brand ajak indang credit card amshitsü asoshi atsülanga aotsü, Ta LG company ajanga metetdaktsü.
G6 smartphone aser tawa adokba LG phone amshirtemi nem “LG Pay” software update asüba ajanga amshitsü asoshi maongka agütsütsü. Company ajanga ashiba agi, parnoki iba service tanga device nunga amshittettsü asoshi maongka agütsütsü atema sentong lir.
Security atema ‘LG Pay amshirtemi shishilembaba shia parnok indang ‘fingerprints’ scan asütsü nüngdaker, ta Company-isa metetdaktsü.
Kasa mapang nung Samsung Electronics Co-i parnok South Korean bank asem den banking services amshirtem nem parnok indang ‘Artificial Intelligence (AI)-based voice command programme’ amshidaktsütsü asoshi molungtepogo, ta metetdaktsü.
South Korean tech company Samsung ajanga ashiba agi, iba project kübok Shinhan Bank, Woori Bank aser KEB Hana Bank service amshirtemi ‘Bixby’ dang parnok indang bank account tem mesüra sen belenshiba osang sayutsü asoshi ola ajanga dang tetuyuba agütsütettsü.