LG G6 April ita India nung sayatsü

April 15, 2017: Taküm Mobile World Congress Barcelona nung amungdang LG company-i LG G6 sayua liasü aser ita ana tsüngda nung iba phone India nung iba ita tatemi sayatsü asoshi sentong lir. LG G6 ya yaküm sayaba LG G5 phone den tatongtep phone lir.
Company osang ka ajanga ashiba agi, LG G6 India nung April ita tatemlen sayatsü. iba phone sayatsü mapang kanga dang tesütep asütsü südi, kechiyong Samsung-a parnok indang phone S8 aser S8+ India nung April 19 nü sayatsü asoshi renema lir. parnok den toktepa LG-i iba phone India nung sen jenjang 49,999 yong sayatsü akok. Iba phone anaprongla ajanga kati ka nem shishilembadak tetoktepba agütsütsü. Taoba mapang India nung Samsung phone tem tajungba yokya liasü saka yaküm Note 7 phone nung timtem adokba ajanga nüburtemi Galaxy S8 madak LG G6 shimtsü akok.
LG G6 ya tozük gram163 aser tasazük 148.9 x 71.9 x 7.9 mm lir. Iba phone nung 16M colours aser Gorilla Glass 3 protection dena 5.7-inch IPS LCD capacitive touchscreen keta lir. Tesülen panel ji Corning Gorilla Glass 5 lir.
Maneni phone nung Android 7.0 Nougat OS, Qualcomm MSM8996 Snapdragon 821 processor aser 4GB RAM keta lir. Samsung Galaxy S8 nung Qualcomm processor keta lir saka India nung parnok indang Exynos processor inoker ayoktsü. Iba ya Qualcomm processors sapurtem atema tetsükdangtsü ka asütsü akok.
LG G6 nung ano tesülen camera Dual 13 MP (f/1.8, OIS, 3-axis, phase detection AF) + 13 MP (f/2.4, no AF) aser selfi aser video calling atema tejaklen camera dual-LED flash aser 5 MP, f/2.2, 1080p inoka yanglua lir.