LG-i anatsülen nungi reprangtetba OLED TV sayaogo

New Delhi, September, 08, 2015: Nüburtem Television reprangba mapang pei reprangnüba sentong balala khen nung mereprangteti remote raktepba joko anenadoktsü.

LG-i anatsülen nungi reprangtetba OLED TV sayaogo aser ibaji ajanga nüburtemi khen nung pei reprangnüba sentong balala reprangtettsü.

Berlin nung IFA 2015 trade show amungba mapang parnoki iba TV sayatsü osang metetdakja liasü aser iba television ya ‘111-inch double-sided TV’ lir koba nung LG-i 65-inch UHD OLED displays enoka yanglu aser nisung balalai anatsülen nungi pei reprangnüba sentong reprangtettsü.

LG-i ano 55-inch television-a ka sayaogo aser iba TV ji millimetre 5.3 temelem lir.

111-inch double-sided TV ya nüburtemi saputsü mesaputsüar ano LG-i aroka ia masadang saka parnoki kibong ka nung khen nung pei reprangnüba TV sentong balala headphone enoker reprangtetba TV atema kangabo tebilemtsü akatsü mali ta bilemer.