Liam Payne-i ‘One Direction’ telok totsütsüa akok

November 18, 2015: Nüngtugu tebur kentener telok, ‘One Direction’ nung züngsem Zayn Malik-i telok toksür lia ano Liam Payne-ia telok tokja solo project tenüzktsü akok, ta osang ka ajanga ashi.

Taoba mapang One Direction züngsem Malik-i pai Payne den jembiogo aser pai tebur temeja telok toktsür tanga music yanglutsü jangraba lemsatepogo, ta E! Online osang ajanga metetdaktsü.

Arishi küm 22 Malik-isa, tang American rock band ‘One Direction’ nung ken atensangi, mezüngbo pai solo project tenzüktsü indang mangateti liasü ajisüaka tangbo pai pa kija project tenzüktsü bilemdar ta ashi.

Tawa Malik-i pa indang mezüngbuba single ‘Befour’ sayaogo.