Libya nung India nunger doctor ka IS ket nungi kümzükogo: Sushma

New Delhi, February 25 (Agencies): Libya linük nung kiralongrar telok, Islamic State (IS)-i India nunger doctor ka pua aliba chiokogo, ta External Affairs Minister, Sushma Swaraj-i metetdaktsü.
Andhra Pradesh state kübok Krishna district nungi Dr. Ramamurthy Kosanam kümzüktsü merangdang pa injang agi yiru.
Dr. Kosanam ji kobi melii linüki anir arutsü, ta Honibarnü Indian Foreign Minister, Sushma Swaraj-isa metetdaktsü.
Ita 18 tejaklen Libya nung ISIS-i Kosanam pua liasü.
“Onoki Libya nung Dr. Ramamurthy Kosanam kümzükogo. Dr. Kosanam injang ka agi yiruogo. Kobi melii onoki pa India-i anir arutsü,” ta Sushma-i tanü twitter osang ka ajanga metetdaktsü.
“Tang pa kümzükba densemabo onoki yangji (Libya) India nunger ajak agi nisung trok kümzükogo. Yangji aliba asen mission-i mapa tajung inyakbaji onoki pelaa agizüker,” ta lai twitter ajangasa metetdaktsü.
Laisa Libya nung aliba India sensotem dang, rongdak nüngdak mapangtem nung tongteprateptsü atema madad.gov.in nung register asütsüla, ta metetdaktsü.