Libya nung pua aliba India nunger ka jentetogo

New Delhi, September 17 (Agencies): Rara adoka aliba linük, Libya nung Sirte nungi India nunger ana pua aliba rongnung ka jentetogo.
Osang ajanga ashiba agi, Odisha state nungi Pravash Ranjan Samal pa apur ket nungi jenbuogo aser pai par medemer ka dang pa junga lir ta metetdaktsüogo.
Samal aser Andhra Pradesh state nungi Ramamurthy Kosanam na mapa inyakba tesem, Sirte nung aliba Ibn-e-Sina nungi puer ao.
Maneni Kosanam chioktsü atema-a mera agidagi, ta kasa osang ajanga ashi.
Yaküm July ita nunga Islamic State telungpurtemi Libya nung India nunger tesayur pezü apuba sülen parnok rongnung anabo chioka liasü.
Tanüngba India nunger anajibo tesüiba küm ka ser ita ka shi Islamic State telungpur ket nungsa lir.
Bodhbar nü External affairs ministry otongdar, Vikas Swarup-i, Sirte nungi India nunger ana pua aliba atema linük ana ketdangsertem level nung jembidagi, ta metetdakja liasü.
Tang Sirte ya Islamic State kiralongrartem kübok lir, aser maneni par teloki Central Libya agiyonga odar.