Lili ajanga Alokba dang asüngdanger

Lili : Kotaki aotsü ticket dang nungi kechi ticket alitsü tasakba?
Alokba : Zion Hospital nung tongtipang Aor Doctor ka den ajuruteptsü asoshi OPD ticket alitsü tasaktiba.
Lili : Dimapur nung alirtemi benshiba yimya tamajung ka shiang?
Alokba : Traffic jam nung mapang tatsüka danga ata melitetba.
Lili : Kechiba Dimapur nung anogoshia mapa tamajung inyaker yamai apur?
Alokba : Kechiaser Nagaland nung Khrista asoshi mapa tajung inyakner Ministry timtiba aliba tesem asüba agi.
Lili : Kechiba nisung ajaki asüpila sentep nung o tajung dang jembir?
Alokba : Kechiaser asüri kecha mangashir.
Lili : Kechi inyakba agi kotaki aotsü makok?
Alokba : Asüpila sentep kanga junga agiba agi kotaki aotsü makok.
Lili : Pastortem asoshi koba aonung tanangtiba ayip janga mejanger?
Alokba : Deobar aonung, kechiaser hopta ka asoshi sermon jembimaba ‘onungji iba aonung ya lir.
Lili : Aiür jetarotur/tain asoshi kiyi aotsü tebur kong angutsü?
Alokba : Chumukedima NAP camp anasa pan dokan ka lapoker mapang tatsüka menang.
Lili : Ne dak tashimait ka otia shiang.
Alokba : Ni o bo tululu jembir, saka mapabo kecha meinyakner.

Lilir : I. Imsong, Dimapur.