Lin Dan-i China Masters takok marok nguogo

Petaling Jaya, April 24 (Agencies) : China nungi Badminton asayar Lin Dan-i par linük nungisa Chen Long madak takok ngua China Masters takok marok nguogo.
Anaben tashi Olympic champion, arishi küm 32 tain, Lin Dan-i Deobarnü Changzhou Olympic Centre nung minute 65 tsüngda nung 21-17, 23-21 agi Chen Long madak takok anguba ya zünga, taküm atema takok asembuba angur asütsü. Pai taoba ita German Open aser All-England marok bena lir.
Yaküm August ita Rio de Janeiro nung Olympic gold atema tenasa asaya liasü aser iba asayaji tamamatsüka junga asayatet.
Tang tashi nung tena tsüngda 10 ben asayaba nung Lin Dan-i 8 ben aser Chen long-i anaben ta koka lir.
Lin Dan ya ano tan hopta Wuhan, China nung akatsü aliba Asian Badminton Championships asayamong nunga asayatsü sentong lir.
Pezüben tashi champion jenjang tongtetsang, Lin ya Malaysia nunger world No. 2 Lee Chong Wei den semi-final nung ajuruteptsü amai bilemer.
Deobarnü Lin Dan den külemi ano tetsür kija asayaba nung China nungi Li Xuerui, tetsür tarep asaya nung Luo Ying o Luo Yu nati aser tetsür o tebur meyokteper asayaba nung Xu Chen ser Ma Jin nungeria takok angu. Iba asayamong nung ajak senteper China-i takok pezü nguogo.