Lindsay Lohan politics nung ajemokner

October 17, 2015: Lindsay Lohan-i 2020 küm US Tir menden asoshi toktepner.
‘Mean Girls’ film nung shilem agila Lindsay Lohan-i Instagram.com nung Hokolbar nü (Oct.16) Kanye West ajanga ni poltics nung ajemoktsü ajungmeso, ta noksa ka dena enokja lemsatepogo.
“#2020 küm ni US Tir menden asoshi tokteptsü akok. #YESWECAN @kanyewest ajanga kanga ajungmesogo,” ta lia zülua liasü
Lindsay-i ano tatsüka lir Kanye tena indang noksa ka kasa social media ajanga lemsatepa liasü. Iba noksa ajanga lai, “Ni US Tir kümer mezüngbuba alima nung timtema aliba tanürtem yaritsü,” ta lemsatep.
Ajisüaka iba tebilemba ya shitakba asü masüar ano mejangja kechiba süra iba dak sentakba nung Instagram nung lai ano kecha talila mashi.
2020 küm White House asoshi menden rakteptsü ashiba rongnung Rap kentener Kanye sülenbo Lindsay ya tanabuba lir.