Lindsay Lohan US-i meyipa oner

Los Angeles, August 07, 2016 : Actress Lindsay Lohan US-i kangasa meyipa oner aser la aotsü atema lar bodyguard Mark Behar dang yariang ta ashi.
“Mean Girls” film nung shilem agila, Lindsay ya tesüiba küm ishika London nung lia arudar, ajisüaka la kibong akümtsü asoshi aniasünger alisang, Egor Tarabasov den raratepba sülen lai Behar dang phone ajanga la yaritsü ashi, tafemalefirst.co.uk osang ajanga metetdaktsü.
Arishi küm 30 tain, Lindsay atema New York nunga küm ana tashi inyaksang, Behar-i, “Lai kü dangi call asü aser Egor Tarabasov tena joko ojang ta shiogo,” ta Heat magazine dang ashi.
“Egor party nung amongdang ni temulung melemi bilemba tsütsü nungi küna kanga mejungi raratepogo ta lai ashi. Anungji la US-i meyipa arutsü atema kü dang yaritsü ashi aser la atema bodyguard asütsü atema asüngdang,” ta tesüiba mapang security guard Behar-i ashi.
Behar dang Lindsay-i, arishi küm 23 tain, businessman Tarabasov-i tangar tetsür den medema la ashioktsüba putetogo, ta ashiba pai kasa osangbenertem dang ashi.