Linük ajak longjemer Syria rara anendaktsütsüla: Jim Mattis

Washington, Rongchii 14 (Agencies) : US aser par allies-i anünglen nungi Syria amakbaji par Tir, Bashar al-Assad dang ‘chemical’ oset yangluba sentong anenang ta osang tejangja sangoktsüba maparen ka liasü, ta tanü Küptoknü US Defense Secretary, Jim Mattis-i metetdaktsüogo aser paisa Syria nung kasa nübur tsüngda raraba anendaktsütsü atema civilized linük ajak dang tekaratiba nung longjemer inyaktsü ajungshia metetdaktsüogo.
Rongchii (April) 7 nü Syria lima Duma yimti nung chemical amshia amakba anema UK aser France na den longjemer anünglen nungi Syria nung teshimtet tesem kar amaktsü atema US Tir, Donald Trump-i sangdongba sülen tang pai iba osangji metetdaktsür.
“Taoba küma kasa nübur dak chemical amshia amakba sülen America nungeri missiles kahloktsü saka yimten tashi amer pei mulungka agi yimsü asüba Assad sorkari ibaji süoki ia mebilem,” ta Mattis-isa olen ka shisem.