Linük mapatong nung kiralongra mamshitsüla: Sushma Swaraj

United Nations, September 22 (Agencies): US nung External Affairs Minister, Sushma Swaraj-i linük balala nungi lenirtem aika ajurua kiralongra anema jembia liasü aser laisa Pakistan dang, kiralongra ya linük mapatong ka ama mamshitsüla, ta ashi.
New York nung UN General Assembly Session mapang nung lai BRICS, IBSA, SAARC aser India-CELAC nungi lenirtem aika ajurua senden menogo.
External Affairs Ministry otongdar, Raveesh Kumar-i, “Item senden ajak nung EAM (External Affairs Minister)-i kiralongra anema jembiogo,” ta metetdaktsü.
“EAM-i onük jembidang linük kari pusema kiralongrar telok balalai kiralongraba anema jembiogo. Iba ya talisa Pakistan dang linük mapatong nung kiralongra mamshitsüla aser United Nations-i kiralongrar teloktem, ta sangdongba teloktem linük kari jenokdaktsüba anema sangdongba ka lir,” ta Kumar-isa ashi.
Tanü BRICS linüktem senden nung lenirtemi Xiamen yimti (China) nung sangdongba onük atema tali tashi taitba inyaktsü bangjemshiogo.
BRICS senden sülen Swaraj-i IBSA aser SAARC lenirtem senden nunga shilem agia aden.