Linük nüchiso atema raradang RSS-i shilem magi: Rahul

Amethi (Uttar Pradesh), Sept. 01 (Agencies): Brihostibarnüa Congress Party tatong Tir, Rahul Gandhi-i RSS aija jembiogo.
Pa indang constituency, Amethi nung intermediate school ka lapoktsüba sentong nung jembidang Rahul-i, “Linük nüchiso atema raraba nung RSS nisungtemi shilem magi. Hindu nunger, Muslim tem, Sikhs, Khristantem aser ajaki shilem agiogo, saka RSS-i shilem magi,” ta aitsü.
Supreme Court nung Rahul-i, 2013 küm pai RSS anema jembiba o ajaji shitak, ta ashiba sülen ghonda ishika tsüngda maneni pai RSS anema jembiogo.
Pa anema tenüng menüktsüba ken o benokbaji agientsü atema temepishiba shidi züluang ta pa dang ashi, ajisüaka pai ibaji magizüki, iba ken o akatsü pai melunga lir ta shiogo.
Rahul-isa, “Iba linük nung telemsa adokdaktsüner kasa nisungtemi pei wako nem ang salem agütsü, saka parnok tenteti kodanga linük wako masong, aser tang parnoki, parnok linük meimertem lir ta jembir,” ta ashi.