Linük nung bank tem anogo pongu nü shibangtsü

Kolkata, Luchii/December 20 (Agencies): United Forum of Bank Unions (UFBU)-i December 26 nü longkak aittsü jelia bank officers’ union-i December 21 nü longkak aitba sentong ayongzükogo, ta ketdangsertemi osang ka ajanga metetdaktsü.
Taruba anogo ishika tsüngda longkak aitba sentongtem aser sodi anogotem aliba ajanga Hokolbar (December 21) nungi taruba Bodhbarnü tashi linük nung banking service malitsü. Ajisüaka Hombarnübo bank sodi masütsü.
December 22 anogoji Honibar aser December 23 nüji Amongnü lir, aser December 25 nüji Khristmas anogo asübayong national holiday lir.
Item anogotem (December 21, 22, 23, 25, 26) nung ATM services bo mekongshitsüa akok, ajisüaka bank nung Cheque aser cash withdrawals mesütettsü.
Bank of Baroda, Vijaya Bank aser Dena Bank ka küma lokteptsü benoka aliba anema bank employee union ana, All India Bank Officers’ Confederation (AIBOC) aser United Forum of Bank Unions (UFBU)-i December 21 aser December 26 nü longkak aittsü.
Tanü All India Bank Officers Confederation’s (AIBOC) Assistant General Secretary, Sajay Das-i, “2017 küm May ita nung onoki onük aika takhangba agutsüba nung ajemdaker XIth bipartite wage revision onük jembitsü atema onoki December 21 nü longkak aitba sentong ayongzüker. Wage revision atema o lemtep tenzükba sülen ita 19 süiaka tang tashi nung iba maparen metenzüker,” ta metetdaktsü.
Pai ashiba agi, Union nungi ketdangser 320,000-i longkak aitba sentong nungji shilem agitsü.
Hokolbarnü longkak aitba mapang nung ATMs nung timtem malitsü imlar, ajisüaka December 26 nübo ATM services kongshitsüa akok.