Linük nung film yanglur 24-i awards meyipa agütsü

New Delhi, November 05 (Agencies): Tang India linük nung tamangba lokti tsüngda akhümtsübutep maliba aser mepetmesü aliba tensa tamajungba akumba anema lungkak aitba temaitsü Arundhati Roy aser Kundan Shah na densema film yanglur parnok nisung 22 award meyipa agütsüogo.

Film yanglur Kundan Shah-i, pai cult film ‘Jaane Bhi Do Yaaron’ ajanga anguba National Award meyipa agütsütsü ta sangdongogo.

Film yanglur Saeed Mirza-ia pai anguba national award meyipa agütsütsü ta sangdongogo.

Link nung lokti temeyoktep aika yimjung nung aliba nung amokmeren lir aser pei tebilemba sadoka jembitsü temeten nokdanger ta shia kaket ken o zülurtem aser artist 40 dak tema aser film yanglur nisung 10-i award meyipa agütsüogo.

Iba dak alia award meyipa agütsürtemji- Arundhati Roy, Virendra Saini, Ajay Raina, Ranjan Palit, Manoj Lobo, Tapan Bose, Sanjay Kak, Madhusree Dutta, Pradip Krishen, Shripraksh, Vivek Sachidanand, PM Satheesh, Tarun Bharitiya, Amitabha Chakravarty, Rafeeq Ellias, Sudhakar Reddy Yakkanti, Anwar Jamal, Sudheer Palsane, Ajay Raina, Manoj Nitharwal, Irene Dhar Malik aser Satya Raj Nagpaul nunger lir.

Iba dak alia tamalen film yanglur tongtibang nisung 10-i award aser honours balala meyipa agütsüogo.

Tanep osangbenertem senden ka nung award meyipa agütsür film yanglurtem rongnung Anand Patwardhan, Dipankar Banerjee, Paresh Kamdar, Nishtha Jain, Kirti Nakhwa, Harshavardhan Kulkarni, Hari Nair, Rakesh Sharma, Indraneel Lahiri aser Lipika Singh Darai nunger lir.