Linük nung IAS ketdangser 1,496 agi mepirir: Sorkar

New Delhi, Metsüremi 15 (Agencies): Tang India linük nung IAS ketdangser 1,496 agi mepirir, ta tanü Union minister Jitendra Singh-i metetdaktsü.
Indian Administrative Service (IAS) officers ajak agi 6,500 lemzükja lir, ajisüaka yaküm Aenjeti (January) ita tashi nung IAS officers 5,004 dang liasü, ta Minister-i Rajya Sabha senden nung tezüluba nung metetdaktsü.
“IAS 1,496 agi mepirir,” ta Minister of State for Personnel-i metetdaktsü.
Pai ashiba agi, IAS officers menden tazüng adoker, aser iba atema nübo tasen shima arudar.
Singh-isa, Centre sorkari 2012 küm civil services examination nungi tenzüka iba tatidang ajanga küm shia IAS officers 180 shimtsü atema sorkari lateta liasü aser 2018 küm tashi nunga kasa dang lir, ta metetdaktsü.