Linük nung Muslim nunger nütsüng shilem 47 bo tanurtem

New Delhi, Jan. 13 (Agencies): India nung Muslim nunger nütsüng shilem 47 bo arishi küm 20 tekübok lir, aser ibaji tamangba yimsü balala ajak nungi tanurtem timba asütsü.

Hindu nungera shilem 40 bo arishi küm 20 tekübok lir.

2011 küm census data ajanga sayuba agi, Jain nunger arishi küm 0-19 tanur shilem 29, Khristan shilem 37, Sikhs shilem 35 aser Buddhist shilem 37 lir.

Ano India nunger nütsüng yongsük shilem 41 bo arishi küm 20 tekübok lir, arishi küm 60 ser tekapur shilem 9 aser shilem 50 arishi küm 20 nungi 59 tsüngdapur lir.

2001 küm census apira linük nung tanurtem nütsüng ajema kümogo, kechiyong iba mapang nungji linük nung tanurtem nütsüng shilem 45 liasü.

Linük nung tamangba yimsü ajak nungi tanurtem nütsüng ajema akumer aser kanga taintem nütsüng timba akumer.

Kasa data ajangasa sayuba agi, linük nütsüng shilem 9 bo arishi küm 60 ser takapurtem lir.

Ano külen Muslim nunger nütsüng arishi küm 60 ser temapur shilem 6.4, Jains shilem 12 aser Sikhs shilem 12 lir.

Ano tanga tebushitetba ka nung, tanurtem aser kanga tainpurtem lanurtem dak metaloker alir.