Linük sorkari NE telungpur dak kanga junga tenük yokdar

New Delhi, December 08 (Agencies): Linük sorkari northeast nung pilar aliba telungpur telok kar lungjemtsü ta angashia kanga junga tenük yokdar, ta Minister of State for Home Kiren Rijiju-i Mongulbarnü ashi.
“Northeast tesem nung telungpur telok kar tanaben lungjemtsü ta osang kar angashiba sülen parnok inyakyim ajak kanga junga mitar,” ta Lok Sabha nung tezüluba ka ajanga Rijiju-i telangzüba agütsüogo.
Rijiju-i, kidanger linük kar nung telungpur telok kar jenoka aliba dak sentakba nung sorkari mera agitsü tenzükogo, ta ashi.
“Item linüktem jagi par litsü nungi India anema mapa tamajung kecha inyaktsü memelatsü telemtetba agiba metetdaktsüogo,” ta pai ashi.
Rijiju-i, telungpur inyakyim nokdangtsü asoshi centre sorkari state sorkar tem yaria arurdar. Centre-i state tem nem security talila agütsür, intelligence inyakyim lemsateper aser police tali shimloktsü atema sen agütsür, ta ashi.