New Delhi, January 04 (Agencies): Tang linük telung nung security tensa ya süoki ia agitsü tensa ka lir, ta tanü Congress Tir, Sonia Gandhi-i ashi.
Laisa, linük nüburtem kümzüka alitsü aser osettsüset/kiojen kümzüka ayutsüsa kiralongrartemi amokmerenba nokdangtettsü aser kiralongrartem azüoktettsü atema sorkari mera agitsü imlar, ta shisem.
Tanü Congress tongti Sonia Gandhi-i kiralongrartemi Pathankot amakba mapang taküm bendanga agüja asürtem nem akhüm agüja liasü.
Laisa tesüiba ghonda 48 tashi kiralongrartem anema raraa aruba mapang ka nung kibongtem kümzüka alitsü aser Air Force indang osettsüset kümzüka alitsü atema bilemtsür, ta ashiba osang party sangdong ka ajanga metetdaktsü.
“Gandhi-i (Sonia) asen security forces tem tasütait mapa atema tenüngsang agütsüogo aser taküm tenla agüja asür nisung tenet nem akhüm agütsüogo, Pathankot nung Pakistan nunger kiralongrartem azüoktsü merangba mapang parnoki taküm tenla agütsüogo,” ta kasa sangdong nungsa shia lir.
“Kiralongrartem training agiba osang jenti Intelligence ajanga metetdaktsüüba mapang ka nung Union sorkari tang linük telung nung security situation tensa ya süoki ia agitsü aser sensotem nem security agütsütsü aser osettsüset kümzüka ayutsü atema mera agiba den kiroralongraba azüoktsü atema mera agitsü ta lai imlar,” ta Party sangdong ajangasa ashi.
You must be logged in to post a comment Login