Linük Temzüng meyanglushira elections külemi magitettsü: CEC

Bhopal, Luroi (August) 29 (Agencies): Linük Temzüng aser ozüng memelenshi tashi India nung Lok Sabha aser Assembly elections külemi magitettsü ta Bodbarnü Chief Election Commissioner, OP Rawat-i ashi.
Chief Election Commissioner-i anogo ananü atema Madhya Pradesh semdanger aser tanü pai osangbener den jembidang iba osang metetdaktsü.
Parliamentary elections December ita nung jelia agira, Election Commission-i state pezü nung Lok Sabha elections den Assembly elections külemi agitettsü, ta tan ita tetenzüklen CEC OP Rawat-i shia liasü.
Prime Minister Narendra Modi-i aniba Bharatiya Janata Party (BJP)-i India nung Lok Sabha aser Assembly elections külemi agitsü atema tayongzükba agüja arur. Parnoki ashiba agi elections külemi agiba ajanga senotsü endokba ajema akümtsü.
2015 nung Centre sorkari Election Commission dang Lok Sabha aser state assembly elections külemi agitsü atema lenmang bushitepang ta tetuyuba agütsü. Ajisüaka, iba mapang EC-i Constitution aser election laws yanglushitsüsa akümtsü aser EVMs, polling personnel aika nüngdakba den sen crore 9000 aser tanga logistics nüngdaktsü ta shia liasü.