Linük tesem ajaklen Intl. Yoga Day among

Ranchi (Jharkhand), June 21, 2019 : Hokolbarnü Ranchi nung International Yoga Day amongdang Ato kilonser, Narendra Modi-i yoga aiba noksa nung angur.

Ranchi (Jharkhand), June 21 (Agencies): Hokolbarnü 5buba International Day of Yoga anogomong nung linük tesem balala nung Union Minister tem aser sorkar ketdangsertem leniba nung nisung meyirjang aikati shilem agia yoga iogo; tongti sentongji Jharkhand yimtiba, Ranchi nung Ato kilonser, Narendra Modi leniba nung agiogo.
New Delhi nung yoga sentong aika ayongzüka agi aser Rajpath nunga Union Defence Minister, Rajnath Singh leniba nung nisung 18,000-i shilem agia liasü.
Tang mezüng Yoga anogomong sentong nung plastic yoga mats (pakti) melen Khadi mats amshia liasü.
Linük Tir, Ram Nath Kovind-i Parliament House telung nung yoga sentong nung shilem agi aser Ato kilonser, Narendra Modi-i Ranchi nung nisung 30,000 den külemi shilem agia liasü.
Ranchi nung aliba Prabhat Tara ground nung yoga aitsü jakdang shilem agirtem den jembidang Modi-i, “Yoga ya yimjung aser tesünep den sendaktepa lir. Yoga agizükba atema ni nisungtem dang pelar,” ta ashi.
Alima tesem balala nung alirtemia angatettsü atema Modi-i English oshi agia minute ishika jembidang pai, “Yoga ya kin, tamangba yimsü, region mesüra arrtsü kecha makai benshir. Yi endoktsü aser diabetes ajungtsü atema Yoga nung taneptsü lir” ta metetdaktsü.
Ano South Delhi Municipal Corporation (SDMC)-i ayongzükba yoga sentong nung Union Minister, Piyush Goyal aser MP, Manoj Tiwari na den nisung noklang aikati Talkatora Stadium nung yoga ai.
Tang tasen shimba Lok Sabha Speaker, Om Birla-ia Parliament moapu nung yoga ia liasü. Delhi Police-ia Thyagaraj Sports Complex nung yoga ai, aser iba sentong nung tongti tesemdangerji Delhi Commissioner of Police, Amulya Patnaik liasü.