Linük tsüngda onüktem ajanga SAARC mekongshitsüla: Pak

Islamabad/New Delhi, January 28 (Agencies): Hokolbarnü South Asian Association for Regional Cooperation (Saarc), Secretary General, Arjun Bahadur den senden ka amendang Pakistan foreign policy tongti, Sartaj Aziz-i, “November ita (yaküm) nung 19buba Saarc senden akatsü atema Islamabad-i Saarc lenirtem agizüktsü renema liasü, saka India-i iba nungji tetsükdaktsü agüja senden thinen,” ta ashi.
Aziz-isa, Pakistan-i 19buba Saarc Summit ji tekaraba nung Islamabad nung ayongzüka kanür, koba ajanga tesem nung amalitepa inyakba ajanga nükjidongtem ataloktsü, ta ashi.
Pakistan lenirisa, linük tsüngda ken o aliba ajanga Saarc senden nung timtem madokdaktsütsüla, ta ashi.
Saarc menden Nepal-i ashiba agi, Bangladesh, Bhutan, Afghanistan aser Sri Lanka-i India pusema kiralongra onük nung ajemdaker Saarc senden nung madentsü sangdongba ajanga iba senden thinena liasü.