Linüki arttsülen kiralongraba yariba ya tebilemtsü ka lir: India

United Nations, October 09 (Agencies): Linüki arrtsülen kiralongraba yariba ya tebilemtsü khuret ka lir ta shia India-i alima linüktem dang kiralongrar yarir linüktem magizüktettsüla, ta shiogo.

Yashi Third Committee nung ‘Crime Prevention and International Drug Control’ onük nung jembidang UN nung India Mission Secretary, Mayank Joshi-i, “Asen putu nung kiralongraba ya tayongzükba tulutiba kümogo aser iba ya ajanga International yimjung, security aser azükaru nung lendong bener arutsür,” ta ashi.

Pakistan tenüng metetshiaka iba linük aitsüba olen ka nung paisa, “Linüki arrtsülen kiralongraba yariba ya India asoshia tebilemtsü khuret tulu ka lir. Kiralongraba yarirtem aser parnok jenokdaktsürtembo International linüktemi khenyongi magizüktettsüla, ta ashi.

“Tai maket nüburtem anema inyaker kiralongrartem linük kobaisa yarir, ibaji linük ajak asoshi amokmeren tuluka lir,” ta Joshi-i ashi.

Paisa ashiba agi, International linüktemi yimtenren nung temelungtetba agitsü aser kiralongraba anema noktaktsü mapang tongogo.

“Kiralongrartemi advanced information technology amshiba asoshi alimai langka inyaktsüla,” ta pai ashi.

“Alima linüktem nung yimjung, terenlok aser azükaru aser ‘agenda 2030 for sustainable development’ nükjidong ataloktsü atema temzüng alema nokdakba atema ken o benokba reju takhang nüngdaker ta India-i bilemer,” ta pai ashi.

Sangküm General Assembly nung Special Session ya khenyongi balaka asütsü aser 2019 küm tashi nungbo alima nung temesepba mozü tayongzükba anema nükjidong ataloktsü atema maongka tajung ka asütsü.