Linüki taoba PM Indira asüba anogomung nung la bilemtet

New Delhi, October 31 (Agencies): Tesüiba mapang Ato kilonser Indira Gandhi sür küm 31 ajungba anogomung nung India linüki la bilemteta akhüm agütsüogo.
Tanü linük Tir, Pranab Mukherjee, tatong Tir Hamid Ansari, Congress Tir, Sonia Gandhi aser taoba mapang Ato kilonser Manmohan Singh nungeri asür Indira Gandhi bilemteta yangi aliba Shakti Sthal nung naro tokja asür nem akhüm agütsü.
Ano Congress tatong Tir Rahul Gandhi den senior party lenirtem Motilal Vora, Ahmed Patel, Ashok Gehlot nungeria asür nem akhüm agütsüogo.
Ato kilonser Modi-i, “Tesüiba mapang Ato kilonser Indira Gandhi asüba anogomung nung la nem akhüm agütsür,” ta ashi.
Tanü Sardar Vallabhbhai Patel asoba anogomung nung National Integration Day amungdang Modi-i taoba Ato kilonser Gandhi bilemteta, iba anogo nung lai taküm tenla agütsü, aser iba ya kodanga mamatoktettsü, ta ashi.
Iba sentong nung Delhi Pradesh Mahila Congress tongti, Barkha Singh dak alia Delhi Pradesh Congress Committee aser Indian Youth Congress-a densema liasü.
Tesüiba mapang Ato kilonser Indira Gandhi ya 1984 küm October 31 nü la tanükertemi kahseta liasü.