‘Lion’ film agi Kim Kardashian ajeb

Los Angeles, April 15 (Agencies) : “Lion” film agi alima nüburtem ajak mulungjang nung kongshiba sülen ano tang reality TV nung shilem agila Kim Kardashian mulungjang nunga kanga kongshiogo.
Arishi küm 36 tain, Kim-i, Garth Davis-i direct asüba film agi ni jebdaktsüogo, ta Twitter ajanga ashi.
“Ni Lion film reprangogo aser iba film yagi ni ghonda ishika jebdaktsü. Naia iba film ya mereprangi lira reprangang,” ta Kim-i tweet asü.
“Lion” film ya Saroo Brierley ta ser Australia nunger otsü lir. Film nungji pai Google Earth amshia kibong den ajuruteper. Pa ya par kibong denji India nung pilaba liasü aser Saroo Brierley indang shilemji Sunny Pawar-i agia lir.
Film tenzüker ghonda 5 shibo Sunny shilem kija lir. Pai Calcutta nung samasang arishi küm 5, Saroo shilem agiba yangji kanga jangja angutsü.
Iba film ya Sunny-i shilem agiba mezüng film lir.