Lionel Messi-i Spain player of the month sempet nguogo

New Delhi, February 12 (Barcelona): Barcelona superstar Lionel Messi-i January ita atema La Liga Player of the Month sempet nguogo.
Iba sempet ya Spain nung 2013-14 küm mezüng agütsütsü tenzük. Messi-i mongui aliba sempet ishika rongnung iba ya ka liasü.
Ballon d`Or sempet ponguben agusang, Messi-i January ita nung Granada den asayadang hat-trick ka yokba densema, ajak agi goal 6 yoka liasü.
November ita nung Messi’er telok nungi Neymar-i iba sempet angu aser aji Barcelona nungi asayar kati iba sempet mezüng agurba liasü.
Real Madrid nungi Cristiano Ronaldo-i iba sempet ya anaben tashi nguogo.