Lionel Messi sapur Kerala nunger ka samar bushidar

Kottayam (Kerala), Aami/June 22 (Agencies): Yasüng FIFA World Cup asaya nung Argentina-i Croatia matsüngdang tamakok mejungi anguba sülen Lionel Messi sapur Kerala nunger kati soseta asütsü shidi ka toktsür samaogo.
Argentina-i tamakok anguba ajanga Messi sapur Binu Alex kanga jashia liasü, aser pa samaba sülen police-i pa bushi tenzükogo.
Osang angazükba agi, tanü police aser lisopurtemi Meenachil ayong nung pa buhsia liasü.
Yasüng Argentina aser Croatia na asaya tembangba sülen tanep 4:00 nung pa sama, ta police ketdangser kati metetdaktsü.
“Pa bushiba mapang pai toktsüba shidi nungji pai joko reprangtsü kecha mali, anungji pai alima toktsür ta shia lir,” ta ketdangserisa ashi.
Alex’er kinünger kati ashiba agi, Alex ji Messi kanga sapur ka liasü aser pa indang mobile phone wallpaper nung Messi noksa lir.
“Yashi pai Messi-i asemba mesüka T-shirt ka ali, aser iba tolaji semer asaya reprang. Anepdang tetsüi pa atema chiyungtsü renemtsütsü atema saakdang kishi lapoker liasü, iba sülen lai la kinüngbu aja,” ta Alex’er kinüngertemi ashi.
Iba sülen police densema lisopurtemi pa bushi tenzük, saka tang tashi menguteter.
Alex ya ano kibong maküm aser pa Kottayam nung aliba nija company ka nung accountant teinyakdak liasü.