Lions Club Dimapur-i angati tenük tendangtsüba camp ayonger

Dimapur, August 01 (TYO): Lionistic Year 2017-2018 atema Lions Club of Dimapur-i Jorhat Lions Eye Hospital den senteper tang mezüngbuba angati Eye Screening Camp den I.O.L. Surgery (Cataract) katsütsü, ta Sight Conservation and work with Blind, Lions Club of Dimapur Chairpersons- Lion Pawan Maheswari aser Lion Pawan Maheswari nati sangdong ka ajanga metetdaktsü.
Angati eye camp ji Lions Health Centre, Midland, P.W.D. Road, Dimapur nung September 16-17, 2017 anogotem nung anepdang 8:00 ako nungi akatsü.
Medical team ji Jorhat Lions Eye Hospital nungi arutsü aser patients nem angati mozü aser tesayuba agütsütsü, ajisüaka tenük ainabo magütsütsü.
I.O.L. Surgery (Cataract) ji Jorhat Lions Eye Hospital nung agitsü, aser iba atema senotsüji Lions Club of Dimapur-i agütsütsü.
Patient temi peisasa tenüng agütsütsüla; Form ji peisasa fill-up ser agütsütsüla.
Form ji item tesem nung angutsü-
Lions Health Centre Midland (9862828240), Inder Automobiles Circular Road (9774012458) aser Mahabir Printing Press, G.S. Road (9436007399).
Service balala atema sen magitsü, ta sangdong nungsa shia lir.