Lions Club-i school tem jaoker

Dimapur, Rongjui/September 26 (TYO): Lions Club International-i “Kindness Matters” omen nung ajemdaker 31buba Annual Peace-Poster Drawing Contest nung shilem agitsü asoshi school ajak jaokogo. Iba tetoktepba ya alima ajunga nung kaketshir arishi küm 11 nungi 13 tsüngda alirtem atema lir. Loins club of Dimapur aser Dimapur Blue Vanda na sentepa iba tetoktepba ya Mongputeni/Oct 2 nü Lions Club of Dimapur, Midland nung akatsü ayonga lir aser school shia nungi kaketshir asemi shilem agitettsü, ta Lions Club of Dimapur mendenbuba Lion Sandeep Rara-i sangdong ka ajanga metetdaktsü.
Maneni Dimapur District kübok ashool tem nungi shilem agiba kaketshirtem rongnungi painting tajungtiba asem shimtsü aser senpet den kuli kaket agütsütsü. Takokertem ya Lions District Governor 322-D dangi yoktsü. Iba sülen District-i Lions Multiple District atema painting shimtsü aser tatembangbuba shimshitsü atema Lions International dangi yoktsü, ta paisa ashi.
International jenjang nung takok angur nem par kinunger ka den tongtiba Award Ceremony ka nung adentsü asoshi maongka agütsütsü aser plaque ka den USD 5000 agütsütsü. Multiple Districts kübok Merit Award angur parnok 23 nem kuli kaket den USD 500 agütsütsü.
Iba tetoktepba nung shilem agitsü jangrartemi program chairperson den iba No. 9774168925 mesera 9774065290 nung tongteprateptsü asoshi mepeshia metetdaktsüogo. Form agizüktsü asoshi tatembangbuba anogo ya Rongjui/Sept 29 asütsü, ta kasa sangdong ajanga Rara-i metetdaktsü.