Lisa Haydon aser Dino Lalvani na kibong kümogo

New Delhi, October 30, 2016 : Lisa Haydon aser tetong Dino Lalvani na küm ka medema aruba sülen kibong kümogo. Lai tawa ang la kibong akümtsü sangdonga liasü. Lisa ya Karan Johar-i direct asüba ‘Ae Dil Hai Mushkil’ film nung shilem agia lir aser lai la kibong akümba osang Instagram account nung noksa dena lemsatepogo.
Dino ya Britain nunger Pakistan nung asor, entrepreneur Gullu Lalvani’er jabaso lir. Lisa-i dena indang noksa tobur tajung ka Instagram nung lemsatep.
Lisa Haydon-i la kibong akümtsü osang metetdaktsüdang tetong tena tebang meseptepa aliba noksa ka dena lemsatepa liasü aser iba noksa teküpoklen lai, “Ni iba nisung den kibong akümtsü,” ta zülu lir.
Lisa-i la kibong akümnü gown temesüng ka asem aser Dino-i blazer temesüng ka telung nung tula anüngsentsü ka asem. Arishi küm 30 tain, Lisa atema “Ae Dil Hai Mushkil” tang nungi tenzükogo.
Chennai nung asola, actress Lisa ya talangba ka bendanglen tang lia aru. La Mumbai nung arua modelling nung majemok tsüngda Australia nung tama lir külen US nung arua ali aser tang la bollywood nung actress ka lir.