Lisa Haydon-i ‘Ae Dil Hai Mushkil’ film nung shilem agitsü

Mumbai, October 19 (Agencies) : Karan Johar-i yangluba “Ae Dil Hai Mushkil” film nung shilem agitsü atema atress Lisa Haydon kanga yongyaba metetdaktsü.

Lisa-i mezüng ‘Queen’ nung shilem agiba ajanga sülen Bollywood nung nüngtugu aküm aser iba sülen “The Shaukeens” film nunga lai shilem agi.

Tang lai Karan Johar-i direct asüba film “Ae Dil Hai Mushkil” nung Aishwarya Rai Bachchan, Anushka Sharma, Ranbir Kapoor aser Fawad Khan nunger den külemi shilem agitsü.

“Hao ni film nung shilem agitsü aser kanga yongyar” ta Lisa-i osangbener dang ashi.

Iba film nung Lisa-i komala shilem agitsü ano tema nung memetetdaktsüi lir saka olulu kar ajanga lai film nung tongti shilem ka agitsü.

Iba film nungsa Imran Abbas aser Saif Ali Khan natia shilem agitsü aser October 2016 nung sayatsü sentong lir.