Little Star HSS aser Zakiesato HSS na final asayatsü

Dimapur, March 24 (TYO) : Tang NCA Stadium, Sovima nung tasayadak, DDCA Inter-School (U-16) cricket asayamung nung final asaya Little Star HSS aser Zakiesato HSS na tsüngda asayatsü.
Mezüng semi final asaya nung Little Star HSS-i runs 80 agi SD Jain HSS telok madak takok ngua final tongtetogo. SD Jain HSS-i toss akokba sülen mezüng field asütsü shimtet. Little Star HSS bat asüang parnoki runs 140 yanglu. Par telok nungi Arjun-i runs 61, Ravi-i runs 14 aser Ankit-i runs 13 yanglu. SD Jain HSS nungi bowler Ajay-i wicket 3 agi.
SDJHSS bat asüdang parnok-i runs 60 ang yanglutet. Par telok nungi Siyal-i runs 11 aser Ajay-i runs 9 ta yanglu. Little Star HSS nungi bowler Sumit-i wicket 3, Kunal-i wicket 4 aser Ankit-i wicket 2 ta sa agi.
Tanabuba semi-final asaya nung SMHSS-i toss akok aser field asütsü shimtet aser parnoki Zakiesato HSS nungi nisung 9 out sütsür runs 181 yangludaktsü. Zakiesato HSS nungi Noor Ahmed-i runs 43, Vicky-i runs 30 aser Kivito Kiba-i runs 19 yanglu. SMHSS telok nungi Irshad-i wicket 3 aser Mohon-i wicket 2 agi. Iba sülen St Mary’s HSS bat asü saka parnoki runs 43 ang yanglur ajak out asü. Par telok nungi Suraj-i runs 29 aser Amit-i runs 9 yanglu. Zakiesato HSS nungi bowler Rahul-i wicket 2 aser Sujit-i wicket 4 agi.
Iba asaya ZMHSS-i runs 138 agi takok angu.
Iba asayamung final asaya March 25, 2017 anepdang 9:00 nungi tenzüka asayatsü aungji iba asaya reprangtsü asoshi Dimapur nung cricket asaya meimertem ajak arua reprangtsü pelashishia jaoker, ta DDCA-i metetdaktsü.