LKM CECC-i LSTM den senden amen

Mokokchung, November 11 (TYO): Langpangkong Kaketshir Mungdang Clean Election Campaign Committee (LKM CECC)-i ayongba sensaksem senden (Consultative meet) ka Langpangkong Senso Telongjem Mokokchung (LSTM) den Longkümer Kilem nung November 10, 2017 nü agia liasü, ta LKM CECC ketdangpurtemi sangdong ka nung metetdaktsü.
Iba senden nung taruba State General Assembly Election merükteta ochishia agitettsü aser pei vote pei temeden angutsü mechi LKM CECC-i tamanir sür tenzüka asen lima yimyim ayimokja jajadar, iba maparen dak sendakba ajak nung Langpangkong Senso Telongjem Mokokchung-i akokba tashi nungittsü, ta sangdong nungsa shia lir.
Iba den külemi kasa senden nungsa Langpangkong Senso Telongjem Mokokchung-i India temzüng nung memelaba “Senso Candidate” shimba inyakyim tamajung mebenshitsü metetdakja liasü. Ajisüaka tang koba yimtsüngtem nungsa senso candidate shima lir, iba telemtetji meyipa agitsüla, ta LKM CECC purtem nem tetuyuba ka agütsü.