LKM CECC-i yimtsüngtem sema senzütsü

Dimapur, August 20 (Agencies): Langpangkong Kaketshir Mungdang Clean Election Campaign Committee (LKM CECC)-i August 24-26, 2017 tashi Langpangkong kübok yimtsüngtem sema senzüba shilem tanabuba tenzüktsü.
Iba mapang LKM CECC-i village council, arogo lennirtem/tetsür/lanur/kaketshir teloktem, town ward lennirtem, DBs aser GBs den ajurutepa sendentem amentsü. September 3, 2016 nü Chuchuyimlang nung tarutsü anogotem election merüka agitsü atema bangzüng renema ayuba takok ngua inyaktettsü atema iba sentong agir.
LKM CECC-i Langpangkong litsü sema senzüba tanabuba shilem nung Yaongyimti Old, Yaongyimti New, Phangsang, Chakpa, Longkong, Mongsenyimti, Salulemang, Chuchu Town, Chuchuyimlang, Unger, Akhoya, Yaongyimsen, Changtongya Yimsen aser Changtongya yimtsüngtem semdangtsü.
July 18-21, 2017 tashi mezüngbuba shilem agidang, LKM CECC-i Anaki, Anaki Yimsen, Kangtsung, Kangtsung Yimsen. Wamaken, Wamaken Yimsen, Tzudikong, Asangma, Kelingmen, Merangkong, Merangkong Town, Merangkong Compound, Liro Yim aser Nukshi Yim semdangogo.
LKMCECC-i yimtsüng ketdangsertem aser kaketshir telok ajak dang iba sentong nung shilem agitsü atema renema alitsü mepishia metetdaktsü.