LKM Clean Election senden alitsü

Dimapur, June 29 (TYO): Langpangkong Kaketshir Mongdang (LKM)-i aniba Clean Election sentong ano tali tashi itshia aotsü asoshi July 01, 2017, Honibar anepdang 10:00 ako nungi LKM Conference hall, Chuchuyimlang nung shisalemsatepba senden ka ayongzüka lir.
Iba sentong nung LKM Clean Election Committee purtem den LKM Executive members, Advisors, Seniors, Langpangkong nung yimtsüng aser town shia nungi Kaketshir Telongjem nung mendenpurtem (office bearers) den Executive members aser seniors, LTM aser Watsu telen nung tongti ketdangpurtem ajak medema arua adentsü mepishir, ta LKM menden purtemi metetdaktsüogo.
Iba senden nung LKMCECC purtemi inyaka aruba indang lemsateptsü aser ano tang nungi kaketshirtem ajak longjemer inyaka aotsüba sentongtem atongtsü ta LKM lenirtemisa metetdaktsü.