LKM-i lenla mungdang ayongzüker

Mokokchung, November 03 (TYO): Langpangkong Kaketshir Mungdang October 07, 2017 nü sanen luden senden nung lemtetba ama LKM Clean Election inyakyim tali takok ngua aotsü nükla nung November 11, 2017 anüngdang 11:00 ako nungi tenzüka lenla mungdang ka LKM headquarter, Chuchuyimlang nung amongtsü sentong renema lir. Anungji iba mungdang nung advisors, executives, senior students, yimtsung shia nungi kaketshirtem aser LKM CECC sub committee züngsemtem town aser yimtsüngtem ajak nungi arua adentsü metetdaktsür, ta tanü LKM General Secretary, Imtisungkum Lemtur-i sangdong ka ajanga metetdaktsü.
Iba Mungdang nung nübortem ajaki ochi aser tangatetba tajung nung shilem agitsü mepishia metetdaktsür, ta Tir Imnakika Jamir aser Tongti Zulur Imtisungkum Lemtur natisa metetdaktsü.