LKM sanen luden senden amentsü

Dimapur, May 11 (TYO) : Langpangkong Kaketshir Mungdang (LKM) mendenti ajanga sanen luden Senden ka May 14, 2016 anogo Conference Hall Chuchuyimlang nung 10:00 AM nungi ayongzüker, ta information secretary, Imliakum-i sangdong ka nung metetdaktsü.

Iba senden nung yimtsüng shia nungi executive tem, advisor tem aser Asür Pangersoa trust award committee nung züngsemtem ajak medema arua adentsü metetdaktsür, ta paisa ashi.

Ano iba dakji alaka Langpangkong nunger kaketshirtem rongnung Govt. High school nungi 2016 HSLC tatidang nung takok angur tajungtiba nem L.L Yaden Meritorious Scholarship agütsütsü alinung, yimtsüngtem nungi lirapang senden-i arudang item kaketshirtem indang marksheet Xerox copy aser noksa bener arutsü shisemer, ta Imliakum-isa sangdong nung metetdaktsü.