LKM tsürtem Volleyball semi-i iogo

Dimapur, November 04 (TYO): Langpangkong Kaketshir Mungdang (LKM) tetsür teloki takok ngua, tang tasayadak Niathu Resort 7th Mile Chumukedima Sports Festival volleyball tetoktepba semifinal asayatsü jenajng tanü, Hokolbar nü ajangzükogo.
Tan November 3-5 nü tashi asayatsü ayongba asayamong kübok Volleyball quarterfinal nung LKM tsürtemi Vega Club, Jalukie telok madak takok ngua, Unity Friend Club telok den semifinal asayatsü jenjang ajangzük.
“LKM bangzüng No.13 nung ajemdaker tsükongsanger asayartem tali tejakleni odaktsütsü nükjidong nung LKM tsürtemi tan asayamong nung  takok ngua shilem agir,” ta shia, tsükongsangertemi LKM tsür telok maneni pusema nungita, par asaya reprangtsü tayongzükba olen ka LKM Tir, Imnakika Jamir aser Tongti Zülur, Imtisungkum Lemtur nati tanü sangdong ka ajanga metetdaktsüogo.