LKMCECC-i political party lenirtem den sensaksemtsü

Langpangkong Kaketshir Mungdang Clean Election Campaign Committee (LKMCECC) purtemi asen lima nung election timi agitsü asoshi nübortem nem angatetdaktsünüba o kar sü nung (banner)  zülur tongtibang lenjem shia nung yutsüba sentong ka tenzükogo. Iba banner ya Changtongya town lenjem ka nung angur. (CTN. April 20, 2017)

Mkg. April 20 (TYO): Nagaland nung kechisüdirsüaka election timi agitsü nükjidong nung LKMCECC-i April 22, 2017 (Honibar) anepdang 10:00 ako nung Hotel Metsüben, Mokokchung nung Langpangkong nunger Nagaland nung political party balala nung lenirtem den election timi agitsü asoshi shisalemsatepba sentong ka ayongzüka lir.
Iba sentong nung Langpangkong nunger shibasa political party nung national, state, division, constituency aser unit level tashi nung mendenpurtem lir, parnok ajak arua dendaktsüner ta LKMCECC sangdong ka ajanga mepishia metetdaktsüogo.
Iba sentong nung political party balala nungi lenirtemi shisalemsatepba ajanga election timi agitsü lenmang tesademba aser tajungba ngutettsü imlar ta LKMCECC lenirtemisa metetdaktsü.