LL Yaden scholarship agütsütsü

Dimapur, Feb.01 (TYO) : Taküm 2016 küm Govt. High School nung class 10 nung azünger Langpangkong nunger kaketshirtem asoshi osang tajung kaji, parnok rongnung tematiba takok jenjang angur ka nem ” L.L.Yaden Meritorious Scholarship” sen meyirijang tenem agütsütsü lemtetogo.
Iba telemtetba ya tawa Tuli nung LKM Saisapong aser lokti mongdang sentong amongba mapang lemtet. Iba scholarship sen ya asür L.L.Yaden’er jabaso Wb.Geoffrey Yaden, Editor, Nagaland Post, par kibongi agütsütsü. Asür Wb.L.L.Yaden ya LKM nung mezüng tir liasü.
Iba scholarship ya NBSE kübok Govt. High School nungi class 10 tatidang agütsür Langpangkong nunger kaketshirtem rongnung tematiba takok jenjang anguba nem agütsütsü, anungji ajaki meranga lesson bushir tatidangbo agüjangma ta LKM ketdangpurtemi metetdaktsüogo.