Lok Sabha aser Assembly election nung NOTA vote crore 1.33 agutsüogo

New Delhi, Metsüremi 10 (Agencies): 2013 küm India nunger election inyakyim nung None of the Above (NOTA) option inoksemba sülen tang tashi nung Lok Sabha elections aser Assembly elections nung NOTA vote crore 1.33 agutsüogo, ta election watchdog osang ajanga metetdaktsü.
Association for Democratic Reforms (ADR) & National Election Watch-i tesüiba küm pongui tsüngda NOTA category nung vote agutsüba asadanga liasü, aser parnoki, 2013 küm nungi tenzüka tang tashi nung Lok Sabha aser Assembly elections nung NOTA votes 1,33,09,577 agutsüogo, ta metetdaktsü.
2017 küm Goa, Delhi aser Andhra Pradesh state tem nung agiba by election nung NOTA votes timba agutsü aser peipei constituency nung 3rth mesüra 4th highest liasü.
Goa by election, Panaji aser Valpoi constituency na nung NOTA votes jenjang asembuba nung liasü- 301 (shilem 1.94) aser 458 (shilem 1.99).
Delhi nung Bawana constituency by election nung NOTA votes ji jenjang 4buba nung 1,413 (shilem 1.07) liasü aser Andra Pradesh kübok Nandyal constituency nung jenjang pezübuba 1,231 (shilem 0.71 per cent) liasü.
Nandyal nungbo candidate 12 dang nungibo NOTA votes timba liasü.
2014 küm Lok Sabha election nung NOTA mezüng benoka amshiba mapang nung NOTA votes 60,02,942 ( shilem 1.08) liasü.
“Lok Sabha elections nung NOTA votes timtibaji Tamil Nadu state kübok Nilgris constituency nung vote 46,559 tashi liasü. NOTA votes ishitibaji Lakshadweep nung vote 123 liasü,” ta Association for Democratic Reforms (ADR) & National Election Watch sangdong nung shia lir.
Assembly constituency sasep nung NOTA votes timtibaji Maharashtra state kübok Gadchiroli constituency nung vote 17,510 liasü aser ishitibaji Arunachal Pradesh kübok Mariyang Geku constituency nung vote 7 liasü.
Delhi aser Maharashtra na nung Municipal Corporations elections nung NOTA vote share shilem timtiba liasü- Ulhasnagar Municipal Corporation nung vote share shilem 4.58 aser vote share ishitibaji East Delhi Municipal Corporation election nung vote share shilem 0.58 liasü.