Lok Sabha aser Maharashtra assembly election külemi magitsü

New Delhi, January 24 (Agencies): Lok Sabha elections den külemi Maharashtra Assembly election külemi magitettsüa akok, ta osang ka ajanga metetdaktsü.
Tanü osang ka ajanga, election anaji külemi magitettsü, ta metetdaktsü.
Osang angazükba agi, BJP Central lenirtemi Maharashtra Bharatiya Janata Party (BJP) nem iba osangji metetdaktsü.
Tamalen Maharashtra nung BJP unit nungi lenirtemi election anapronglaji agira timtem adoktsü, ta tebilemtsü kaa liasü. Ano MLA aser lenir karia iba dak sendakba tebilemtsü onük ya central BJP lenirtem den lemsatepogo.
BJP Maharashtra unit nungi lenirtemi ashiba agi, Ato kilonser, Narendra Modi aser BJP Tir, Amit Shah natibo state Assembly elections aser Lok Sabha elections naji külemi agidaktsünüa alitsüa akok.
Ajisüaka Central lenirtemi election anaji külemi magitsü, ta tejangja metetdaktsüogo.
Maharashtra nung tesüsabuba Assembly election 2014 küm agia liasü aser election osangji October 19, 2014 nü sangdonga liasü.
Iba election nungji BJP-i menden 122 nung takok ngua single largest party liasü aser parnoki Shiv Sena teyari agia state nung sorkar akum. Iba election nungji Shiv Sena-i menden 63 nung takok angu. Kasa elections nung Congress Party-i menden 42 aser NCP-i menden 41 nung takok ngua liasü.
2014 küm Lok Sabha election agiba sülen ita ishika dang lirbo Maharashtra Assembly election agia liasü.