Lok Sabha Bye election atema nomination papers reprang

Kohima, Monupii/May 12 (TYO): Tanü Commissioner office nung Lok Sabha, 2018 bye election atema Commissioner & Returning Officer, Nagaland, Motsuthung Patton, IAS-i Lok Sabha bye election atema candidates ana- Nationalist Democratic Progressive Party nungi Tokheho Yepthomi aser Naga Peoples Front nungi C. Apok Jamir nati agutsüba nomination papers repranga liasü, ta ketdangsertem osang ka ajanga metetdaktsü.
Nomination papers reprangba maparen nung Additional Deputy Commissioner (HQ) aser Lok Sabha bye election atema Assistant Returning Officer, Limanenla-i Returning Officer den yaritepa liasü, aser General Observer, Dr. J. Ravi Shankar, IAS-i item inyakyim ajakji repranga liasü, ta kasa osang ajanga metetdaktsü.