Lok Sabha election atema Feb. 27 nü opposition party tem senden amentsü

New Delhi, February 22 (Agencies): Taruba Lok Sabha election nung BJP anema tokteptsü asoshi asalentong yanglutsü aser Common Minimum Programme renemtsü atema February 27 nü opposition party tem senden amentsü.
February 13 nü Congress densema opposition party trok nungi lenirtem senden amenba mapang nung longjemer asalentong yanglutsü atema bangjema liasü, iba sülen parnoki Lok Sabha election atema election magidang lokteptsü aser Common Minimum Programme (CMP) ka renemtsü, ta sangdong.
Iba senden nungji Congress Tir, Rahul Gandhi, TMC tongti aser West Bengal Chief Minister Mamata Banerjee, AAP tongti aser Delhi CM Arvind Kejriwal, NCP Tir, Sharad Pawar, Andhra Pradesh Chief Minister aser TDP Tir, N Chandrababu Naidu, National Conference tongti, Farooq Abdullah nunger den tangartem dena liasü.
Left party temibo election matongdang tangar den melokteptsü ta sangdongogo, anungji iba senden nungji parnokbo madentsüa akok.